Повик за врснички едукатори против врсничко насилство [средни школи]
Почетна Кои сме Мисија, Визија, Вредности Запознајте го тимот Управување Историја за ИМКА Што работиме Програми Новости Вклучи се Партнерства Контакт Languages X Донирај More than 2 results are available in the PRO version (This notice is only visible to admin users) Вклучи се Повик за врснички едукатори против врсничко насилство [средни школи] Започнуваме со селекција на врснички едукатори за новата „Врсничка школа против врсничко насилство“ на ИМКА! Следува период на информирање на средните училишта низ градот, а селектираните ученици ќе треба да се пријавуваат на формата за пријавување која е споделена подолу. Деталите се искомуницирани со предвидените средни училишта и регрутирањето на ученици е во тек! „Врсничка школа против врсничко насилство“ е проект на Младинска асоцијација ИМКА Битола кој има за цел да ја подигне свеста за врсничкото насилство преку едукација на ученици. Учениците се обучуваат да станат врснички едукатори, учат за видови насилство, стилови на комуникација и ненасилни методи на решавање конфликти. Проектот вклучува тематски работилници со презентации и дискусии, практични активности и вежби, креативни работилници на научените теми и презентации/работилници спроведени од самите ученици во училиштата. Проектот е воден од младински работници на ИМКА и самите обуки ќе се одржуваат во Младинскиот центар во Битола, а потоа ќе се реализира врсничка едукација во вклучените средни училишта во Битола. Повеќе инфо за Врсничката школа имате на следната презентација. Кој може да се пријави? Средношколци од прва, втора и трета година во Битола Мотивирани за да научат повеќе за темата и да дадат придонес за спречување и намалување на врсничкото насилство Отворени се да ги споделат стекнатите знаења и искуства со своите врсници во нивните училишта Сакаат да работат со млади и во иднина Како да се пријавите? Со пополнување на формуларот на овој линк. Финалната селекција ќе ја направиме во соработка со стручните служби на училиштата. Ве очекуваме! Проектот „Врсничка школа против врсничко насилство“ на Младинска асоцијација ИМКА Битола претставува продолжение на иницијативата за врсничка школа во рамките на Младинскиот Центар во Битола на теми поврзани со менталното здравје, кои се релевантни за младите, како и за самата Општина. Проектот е кофинансиран од CVJM (Signs of Hope) и Општина Битола и ќе се спроведува во Младинскиот центар во Битола и потоа низ 6 средни училишта во градот. Ги оспособуваме младите Facebook-f Instagram Twitter Youtube Flickr Linkedin-in Телефон+389 70 59 43 41+389 72 556 386 ЛокацијаМладински Центар Битола, ул.Крушево, бр.5, 7000 Битола, С. Македонија Поштенска адреса Васко Карангелевски РЕМО 1/3/42, 7000 Битола, С. Македонија Почетна Кои сме Што работиме Новости Донирај Контакт © Copyright 2024 | ymca.mk | Сите права се заштитени. Design & Build by IanMcKenzieCreative
Повик за практиканти преку World University Service
Почетна Кои сме Мисија, Визија, Вредности Запознајте го тимот Управување Историја за ИМКА Што работиме Програми Новости Вклучи се Партнерства Контакт Languages X Донирај More than 2 results are available in the PRO version (This notice is only visible to admin users) Вклучи се Повик за практиканти преку World University Service Доколку сакате да стекнете практично искуство за подобрување на вашите вештини и шансите за вработување, тогаш оваа програма е за вас! Вклучете се во ИМКА и стекнете неопходна пракса преку работа на реални проекти преку програмата за практиканти на WUS (World University Service) Програмата дополнително нуди обуки за тоа како да ја направите вашата практикантска работа успешна и за тоа како да ја пронајдете вашата посакувана работа (креирање CV, мотивациско писмо и вашето прво интервју), консултации за практикантска работа и отвoрање на свој бизнис. Месечен надоместок: 15.000 ден. за период 3 до 6 месециПериод на практикантство: Окт.2024-Март2025 (3-6 месеци)Ангажман: 30 раб.часа неделноЛокација: Младински центар Битола Поле на работа: Едукатор (преф.Педагошки факултет), Проектен асистент [админ/дизајн/извештај] и PR [мултимедиа/фото/видео/веб/дизајн] Кој може да аплицира?– Студенти од државните универзитети кои се– Мотивирани за промени во заедницата и се– Во последната фаза од студиите (дипломираат август или септември 2024) или– Кои дипломирале не повеќе од 6 месеци пред крајниот рок за пријавување (31.08.2024) или– Кои се на магистерски студии. Испратете CV на contact@ymca.mk со назнака ПРИЈАВА ЗА ПРАКТИКАНСТВОРок до 10.08.2024год. Кандидатите кои ќе бидат селектирани за интервју ќе бидат контактирани.ИМКА го задржува правото да го пролонгира повикот доколку смета дека истото е потребно. Ги оспособуваме младите Facebook-f Instagram Twitter Youtube Flickr Linkedin-in Телефон+389 70 59 43 41+389 72 556 386 ЛокацијаМладински Центар Битола, ул.Крушево, бр.5, 7000 Битола, С. Македонија Поштенска адреса Васко Карангелевски РЕМО 1/3/42, 7000 Битола, С. Македонија Почетна Кои сме Што работиме Новости Донирај Контакт © Copyright 2024 | ymca.mk | Сите права се заштитени. Design & Build by IanMcKenzieCreative
Впечатоци од учесници од групите за поддршка на ментално здравје
Почетна Кои сме Мисија, Визија, Вредности Запознајте го тимот Управување Историја за ИМКА Што работиме Програми Новости Вклучи се Партнерства Контакт Languages X Донирај More than 2 results are available in the PRO version (This notice is only visible to admin users) Последни новости Впечатоци од учесници од групите за поддршка на ментално здравје Билјана СтефановскаКако учесник во групата за поддршка на родители на деца со попреченост на самиот почеток разговаравме за проблемите со кои се соочуваме во нашето секојдневие, нешто што ни беше позната приказна на сите, меѓутоа со тек на време тоа премина во взаемна поддршка при што почнавме да си помагаме едни со други, заедно борејќи се со бариерите на системот во кој живееме. Гледајќи ја групата составена само од мајки на деца со попреченост кои се борат за доброто на децата, мојата желба за во иднина заедно со помош на другите учесници и соработници да ги поттикнеме и татковците на овие деца да учествуваат во вакви групи за поддршка се со цел заедно да ги надминеме бариерите и стереотипите околу прилагодувањето и прифаќањето на нашите деца во местото каде живееме и да осетиме дека оваа борба е заедничка. Билјана СтојановскаНа самиот почеток на групите за поддршка ми се вртеше една мисла во главата, а тоа е дека и овие ќе бидат како и секој друг проект што сме учествувале, ради реда да се помине низ процесот или дека има некоја позадина. Меѓутоа со тек на време многу позитивно бев изненадена од тоа како бевме прифатени, овозможувајќи ни да си ги споделиме нашите проблеми, а за кои добивавме конкретни насоки кон тоа да го најдеме ако можеме никулецот на тој проблем или пак со соодветни техники да научиме да го совладаме или да ја намалиме тешкотијата на нашиот проблем. Групата, членовите соработниците направи да се почувствуваме посебни како личности, а не само како родители на деца со посебни потреби. Во иднина би сакала во овој проект да се вклучи целото семејство, односно татковците, како и браќата и сестрите на децата со посебни потреби и заедно да ги совладаме проблемите кои секојдневно не окупираат. Јасмина ГелевскаОваа година за прв пат се вклучив во група за поддршка на родители кои имаат деца со попреченост. Тоа е едно прекрасно искуство од кое станавме попозитивни личности, добивме многу поддршка, совети, храброст и сфативме дека повеќе вредиме и вреди да се бориме. Сите учесници станавме како едно семејство и нашето дружење ќе продолжи во иднина. Создадовме силна врска со помош на стручните лица и им сме благодарни за тоа. Ги повикувам сите лица кои се соочуваат со ваков проблем да не се двоумат и да се вклучат во вакви групи бидејќи заедно е полесно и можеме сѐ. Мое мото: Ние немаме избор да бираме, ние мора да се бориме за нас и нашите најмили. Бојана АртиновскаНе знаев што да очекувам, прв пат имам искуство со психолози. Знаев само дека треба да се соочам со мојата вистина. За среќа многу брзо стекнав доверба и се осетив безбедно во групата. Успеав да се соочам со повеќе стравови и научив да споделувам, а во исто време да бидам тука и за другите членови од групата, т.е. да слушам. Научив многу за менталното здравје преку теоретските предавања, но искуствените Гешталт вежби ми помогнаа многу брзо да дојдам до одговори и ми отворија можност за понатамошна работа со себе. Најголемата придобивка мислам дека е тоа што научив свесно да приоѓам кон проблемите, знаејќи дека постои решение, само треба да погледнам од друга перспектива. Препознавањето на проблем ми помага мене лично, но исто така чувството за поддршка и сочувство во мене е сега поизразено кога ќе го воочам и кај друг. Го охрабрувам секој кој се пронаоѓа во проблематикава да се приклучи доколку е во можност. Прифаќањето помош мислам дека е една од најтешките работи која треба сите да ја учиме. Ова беше едно прекрасно искуство за мене и бескрајно сум благодарна. Ги оспособуваме младите Facebook-f Instagram Twitter Youtube Flickr Linkedin-in Телефон+389 70 59 43 41+389 72 556 386 ЛокацијаМладински Центар Битола, ул.Крушево, бр.5, 7000 Битола, С. Македонија Поштенска адреса Васко Карангелевски РЕМО 1/3/42, 7000 Битола, С. Македонија Почетна Кои сме Што работиме Новости Донирај Контакт © Copyright 2024 | ymca.mk | Сите права се заштитени. Design & Build by IanMcKenzieCreative
Преглед на активностите од групата за поддршка на еднородителски семејства
Почетна Кои сме Мисија, Визија, Вредности Запознајте го тимот Управување Историја за ИМКА Што работиме Програми Новости Вклучи се Партнерства Контакт Languages X Донирај More than 2 results are available in the PRO version (This notice is only visible to admin users) Последни новости Преглед на активностите од групата за поддршка на еднородителски семејства Од Рената Димановска Размислувајќи за изминатите шест месеци од водење на нашите групи за поддршка, исполнета сум со длабоко чувство на благодарност за неверојатното патување што го споделивме. Кога започнавме со оваа активност, водечки мотив со мојот колега Љупчо ни беше создавање на безбеден простор, ослободен од предрасуди каде што секој еден ќе може отворено да разговара за потешкотиите со кои секојдневно се соочува и начините на кои може да се справи со истите. Заедно, негувавме заедница каде што се слуша секој глас и секоја приказна се цени. Сведоци сме на длабоки моменти на ранливост, издржливост и раст. Членовите храбро ги споделија своите искуства, наоѓајќи не само поддршка, туку и сила да се справат со нивните предизвици. И најважно од сѐ е тоа што нашите дискусии поттикнаа емпатија и поврзаност, потсетувајќи ги членовите дека не се сами во нивните борби. Алатките и сознанијата добиени овде ги потикнаа членовите да направат значајни промени во нивните животи и да им пристапат на своите предизвици со обновена надеж и самодоверба. Во изминатите неколку месеци беше опфатен широк спектар на теми од областа на менталното здравје, помеѓу кои беа: што е ментално здравје и како да се грижиме за истото, што точно претставува анксиозноста и начини на справување со истата, појава на панични напади и техники за справување, пострауматско стресно нарушување, траума и работа со трауматичен настан, предизвици на современото родителствување, родителски стилови, стилови на комуникација, отпорност и многу други теми. Морам да нагласам дека повеќето теми беа проследни со искуствени вежби кои и тоа како помогнаа за учесниците да го искусат она што сме го разговарале. Благодарни сме на нашите учесници што беа дел од ова патување и што ги направија изминатите шест месеци вистински трансформативни. Со овие активности Врсничката школа за ментално здравје на деца и млади дојдоа во својата финална фаза. Проектот „Врсничка школа за ментално здравје на деца и млади“ на Младинска асоцијација ИМКА Битола се спроведува во рамките на регионалната програма за локална демократија во Западен Балкан 2 Reload2, која е финансирана од Европската Унија (ЕУ), а ја имплементира Програмата за развој на Обединетите Нации (УНДП). Проектот „Врсничка школа за ментално здравје на деца и млади“ на Младинска асоцијација ИМКА Битола е кофинансиран од Општина Битола. Проектот е спроведуван од ИМКА во соработка со Порака Нова и Центар за човекови права Амос. За впечатоци од учесниците прочитајте тукаПовеќе фотографии може да видите во Албумот. Ги оспособуваме младите Facebook-f Instagram Twitter Youtube Flickr Linkedin-in Телефон+389 70 59 43 41+389 72 556 386 ЛокацијаМладински Центар Битола, ул.Крушево, бр.5, 7000 Битола, С. Македонија Поштенска адреса Васко Карангелевски РЕМО 1/3/42, 7000 Битола, С. Македонија Почетна Кои сме Што работиме Новости Донирај Контакт © Copyright 2024 | ymca.mk | Сите права се заштитени. Design & Build by IanMcKenzieCreative
Преглед на активностите од групата за поддршка на родители на деца со попреченост
Почетна Кои сме Мисија, Визија, Вредности Запознајте го тимот Управување Историја за ИМКА Што работиме Програми Новости Вклучи се Партнерства Контакт Languages X Донирај More than 2 results are available in the PRO version (This notice is only visible to admin users) Последни новости Преглед на активностите од групата за поддршка на родители на деца со попреченост Од Мартина Дурлјанова Нашата група за поддршка е „Група за оддишка“ како што често ја нарекуваат родителите кои имаат деца со попреченост. Се работи за родители херои, кои се оставиле многу позади другите, на забот на времето за да бидат столбот на семејството. Но тоа го прави секој родител нели? Сепак родителите на децата со попреченост не го имаат само товарот на семејството, туку и товарот на “пу пу скраја да е“ погледите, товарот на општеството кое им ја отежнува и така тешката ситуација, неприфаќањето од пошироката фамилија, одделувањето од сите социјални собири, настани, дружења па и едни обични излегувања. Благодарение на проектот „Врсничка школа за ментално здравје“ ја отворивме групата за поддршка каде се отвори простор не само за дружење туку и психолошка поддршка и место каде што се откриваат и најтемните страни кои долго се криеле кај овие родители, теми за кои никогаш немале можност да разговараат, насоки за кои не биле свесни дека можат да се отворат и разговори за кои не биле свесни дека може да се остварат. Низ реализираните дванаесет средби кои започнаа од ноември минатава година па се до јуни оваа година поминавме бројни теми. Почнавме со менталната хигиена како тема, па така по менталната чистка продолживме подлабоко да навлегуваме во нови теми и да ги откриваме мрачните страни на издржливоста (онаа очекувана и наметлива), па како таа раѓа анксиозност и депресија, ја тишти самодовербата и сето тоа допринесува да се зголемува стресот во секојдневието, за на крај да не можат да се справат со (не)поддршката и (не)прифаќањето од околината и институциите, но и она најтешкото, поддршката од семејството која ретко ја имаат. А цел тој процес се повторува постојано, со секоја нова случка, надвор или дома, со секој еден настан поврзан со детето. За среќа ние создадовме една комфорт зона, каде родителите со душа чекаат да дојдат да разговараме на нови теми но и да се навратиме на некоја од старите, затоа што секој ден крои нова приказна, нов предизвик со кој моментално мора да се соочат, па со помош на психологот ги разговараат, разглобуваат во детали за тоа како се чувствувале тогаш во тој момент, а како сега додека раскажуваат. И да не ја занемариме и поддршката од самата група, која меѓусебно си помага за полесно справување на проблемите. Желбата на родителите за да продолжиме да ја водиме групата и после завршувањето на проектот е голема, па така ние не би застанале тука, туку би продолжиле да се движиме со исто темпо и понатаму со цел да им излеземе во пресрет на нивните потреби. Со овие активности Врсничката школа за ментално здравје на деца и млади дојдоа во својата финална фаза. Проектот „Врсничка школа за ментално здравје на деца и млади“ на Младинска асоцијација ИМКА Битола се спроведува во рамките на регионалната програма за локална демократија во Западен Балкан 2 Reload2, која е финансирана од Европската Унија (ЕУ), а ја имплементира Програмата за развој на Обединетите Нации (УНДП). Проектот „Врсничка школа за ментално здравје на деца и млади“ на Младинска асоцијација ИМКА Битола е кофинансиран од Општина Битола. Проектот е спроведуван од ИМКА во соработка со Порака Нова и Центар за човекови права Амос. За впечатоци од учесниците прочитајте тука Повеќе фотографии може да видите во Албумот. Ги оспособуваме младите Facebook-f Instagram Twitter Youtube Flickr Linkedin-in Телефон+389 70 59 43 41+389 72 556 386 ЛокацијаМладински Центар Битола, ул.Крушево, бр.5, 7000 Битола, С. Македонија Поштенска адреса Васко Карангелевски РЕМО 1/3/42, 7000 Битола, С. Македонија Почетна Кои сме Што работиме Новости Донирај Контакт © Copyright 2024 | ymca.mk | Сите права се заштитени. Design & Build by IanMcKenzieCreative
Обуки за врснички едукатори за ментално здравје [модул 7а и 7б]
Основните модули на работилници беа шест, но поради големиот опфат на врсничката едукација и должината на периодот на спроведување се наметна потреба од седми модул кој беше дизајниран во насока на поддршка на врсничките едукатори. Притоа сите кои имаат потреба од дополнително зајакнување во делот работа со млади и врсничка едукација имаа можност да учествуваат на т.н. менторски сесии во модул 7а, а сите кои сакаат креативно да се изразуваат на темата ментално здравје имаа можност да работат на тематски песни и музика во рамките на модул 7б. Сите активности со врсничките едукатори се случуваа во Младинскиот Центар. Менторските сесии или т.н. 7а модул беа наменети за оние едукатори кои веќе спроведоа презентации и активности, па своите впечатоци ги споделуваа во една заедничка атмосфера со останатите. Се споделуваа личните приказни за тоа како се чувствуваа за време на презентациите, на какви проблеми наидоа при реализацијата, на каков однос наидоа кај наставниците и стручните служби. Имаше бројни сознанија, но дел од нив беа дека се среќни, задоволни, дека учат, се оспособуваат и ја зајакнуваат својата самодоверба. Задоволни беа од поддршката која ја добија од ИМКА, посакуваа поголема поддршка од училиштата и сметаа дека би било супер да се работи со помали групи на соученици. Овие средби им помогнаа доста на врсничките едукатори, посебно на оние кои за прв пат спроведуваа активности од овој тип, но и тие се чувствуваа слободни да се изразат и да научат нешто дополнително од поискусните. Се одржаа три средби, од кои на првата присуствуваше Градоначалникот и други претставници на Општина Битола, каде што подетално беа запознаени со целиот проект и тековните активности. Третата средба претставуваше вовед во 7б модулот – менталното здравје и музиката која се наметна од врсничките. Од тие предлози произлегоа работилниците со креативно изразување на пораките кои врсничките едукатори ги имаа веќе споделувано меѓу себе внатре за време на врсничката школа во изминатиот период. Тука на врсничките едукатори им се понудија доста можности за себе изразување и низ пишан збор, пишување стихови и пеење. Гостин беше Јасна Димитровска, музичар, која накратко им објасни на учесниците за планираните идни активности во школата за ментално здравје за деца и млади, како и поврзаноста на музиката со менталното здравје. Учесниците во еден од претходните модули имаа подготвено неколку свои песни кои во овој модул се отворија и во неколку работилници работеа во насока на креирање една песна која ќе е подготвена за изведба на завршниот настан на оваа школа. Проектот „Врсничка школа за ментално здравје на деца и млади“ на Младинска асоцијација ИМКА Битола се спроведува во рамките на регионалната програма за локална демократија во Западен Балкан 2 Reload2, која е финансирана од Европската Унија (ЕУ), а ја имплементира Програмата за развој на Обединетите Нации (УНДП). Проектот „Врсничка школа за ментално здравје на деца и млади“ на Младинска асоцијација ИМКА Битола е кофинансиран од Општина Битола. Проектот е спроведуван од ИМКА во соработка со Порака Нова и Центар за човекови права Амос. Прочитајте за претходните модули на работилници тука.
Campacity конференција на ИМКА Камп Европа
По неколку месеци планирање и напорна работа, Campacity 2024 се одржа од 15-ти до 21-ви април во Толедо, Шпанија во младинскиот центар Кастиљо де Сан Сервандо со поддршка на локалната власт. Потоа се преселивме во ИМКА Камп Приего и бевме пречекани од ИМКА Шпанија како домаќини. Втората конференција од овој тип беше заедничка иницијатива на ИМКА Европа и САД чиј домаќин беше: Во текот на една недела сесии, учесниците: Сето ова беше овозможено преку успешна соработка помеѓу учесниците на ИМКА Европа и САД и преку споделување на значајната работа што ја прави секоја национална или локална ИМКА. 75 учесници од 15 различни земји се собраа мотивирани да учат и споделуваат со цел што ги обедини сите – љубовта кон кампувањето и верувањето во неговото влијание. Програмата беше избалансирана со сесии за градење капацитети и време на културна изложеност дизајнирано да помогне во поврзувањето и создавањето врски. Учесниците имаа можност да присуствуваат на работилници за многу вкрстени теми кои играат клучна улога во создавањето на успешен камп како што се градење стратегии, прибирање средства, партнерства, мониторинг и евалуација само за да наведеме неколку. Освен ова, тие имаа можност да се запознаат со методологијата „Не прави штета“, бидејќи во денешниот свет од клучно значење е да останеме свесни за нашите акции, планови и проекти. Како последна забелешка, треба да се спомене колку е прекрасно и моќно да се гледаат луѓето кои работат напорно денес со какви било средства што ги имаат за да создадат подобро утре, а Campacity покажа дека дури и ако живееме илјадници километри подалеку еден од друг, ние се дел од нешто поголемо.
Обуки за врснички едукатори за ментално здравје [модул 4,5,6]
Во второто полугодие продолжуваме со нова серија на обуки за ментално здравје за врсничките едукатори од основните и средните училишта и факултетите во Битола. За ова полугодие предвидени се модулите 4, 5 и 6. Во четвртиот модул учесниците се запознаа со дигиталната застапеност на темите кои се обработуваа во претходните три модули – анксиозноста, депресијата, ризичнто однесување и личната издржливост или резилиентност. На секоја од овие теми се дискутираше како се перцепираат од младите, како младите им приоѓаат и генерално како животот на социјалните мрежи влијае и ја обликува младата личност во нашето модерно живеење и кои се позитивните и негативните влијанија врз нашето ментално здравје. Во овој модул направивме и вежба за самооценување на зависноста од интернет при што можеше заеднички да ги продискутираме резултатите од сознанијата. На барање на дел од учесниците на кои не беа во можност да ја посетат оваа обука претходно по групи, направивме дополнителна работилница за едукатори од сите групи. Овој модул го комплетираа 42 врснички едукатори поделени во 5 групи основци, средношколци и студенти кои се запознаа со манифестацијата на овие теми во дигиталната сфера. Со ова го затворивме делот за збогатување на знаењата на младите за темата ментално здравје. Следуваше поинтересниот дел кој почнува со петтиот модул кој е припрема за најубавиот дел од активностите – споделување на знаењата со врсниците на терен во образовните установи во градов. Во рамките на него учесниците од три групи (студенти, претпладневните смени и попладневните смени основци и средношколци) на врсничката школа за ментално здравје за деца и млади имаа можност да направат рекапитулација на целиот материјал кој го поминаа во претходните 4 модули. Притоа тие согледуваа која од научените теми ја сметаат како поважна или покорисна за врсниците млади или пак за која тема имаат особен ентузијазам да ја споделат со нивните врсници. Работевме на координација и формирање на тимовите по училишта и планирање за нивните обврски за следниот период. Од наша страна добија насоки и поддршка како да состават презентации и да одберат соодветни активности за во следната фаза кога ќе споделуваат дел од новите сознанија со нивните врсници од училиштата и факултетите од градов. Знаењето надополнето со практичните активности веруваме дека ќе го зацврсти наученото кај врсничките едукатори, а кај учениците низ градов ќе помогнеме за доближување и демистификација на темата за ментално здравје до сите. Овој модул го комплетираа 47 врснички едукатори 3 групи основци, средношколци и студенти. Во шестиот е последниот модул на тимовите врснички едукатори им нудиме уникатно менторско искуство во поддржувачка средина да добијат фидбек за нивните презентации. Тука врсничките едукатори доаѓаат со своите презентации, ги споделуват со другите врснички едукатори и каде можат да ги пробаат и да се вежбаат и добијат фидбек за „домашните“. Ова ќе помогни за да продолжат со работа на подобрување на истите со цел следната и најубавата фаза споделување на знаењата во училиштата да биде помалку стресна за врсничките едукатори, а поинтересна за сите ученици. На овој модул учествуваат врснички едукатори од сите групи основци, средношколци и студенти кои се одлучни стекнатото знаење да го споделат со своите врсници во пракса. Овој модул сеуште тековно се спроведува, тимовите се градат, се координираат, работат на своите презентации, доаѓаат на консултации и менторирање и штом сите се спремни ќе го ажурираме текстов со финална бројка на врснички едукатори и тимови по училишта во градов. Проектот „Врсничка школа за ментално здравје на деца и млади“ на Младинска асоцијација ИМКА Битола се спроведува во рамките на регионалната програма за локална демократија во Западен Балкан 2 Reload2, која е финансирана од Европската Унија (ЕУ), а ја имплементира Програмата за развој на Обединетите Нации (УНДП). Проектот „Врсничка школа за ментално здравје на деца и млади“ на Младинска асоцијација ИМКА Битола е кофинансиран од Општина Битола. Проектот е спроведуван од ИМКА во соработка со Порака Нова и Центар за човекови права Амос. Прочитајте за претходните модули на работилници
Обуки за врснички едукатори за ментално здравје [модул 1,2,3]
Во ноември и декември минатава година реализиравме серија на обуки на теми за ментално здравје за врсничките едукатори од основните и средните училишта и факултетите во Битола. Првиот модул на обуки за ментално здравје беше на темата за анксиозност и депресија. Според експертите од областа на психолошките науки, анксиозноста е состојба која се поврзува со чувството на страв, а депресивноста е состојба која се поврзува со чувството на тага. Нивното препознавање и развивањето лични стратегии за справување со овие состојби е она кое што е неопходно за одржување на хармонично ментално здравје. Овој модул го комплетираа 58 врснички едукатори поделени во 5 групи основци, средношколци и студенти кои се запознаа со темите за анксиозноста и депресивноста. За секоја од овие теми се дискутираше што значат како состојби на младиот човек, кои фактори ги предизвикуваат, кои се симптомите, како да си помагаме себе си и како може да им помагаме на другите. Вториот модул на обуки за ментално здравје беше на темата за ризични форми на однесување. Притоа се дискутираше што значи ризик и ризично однесување, како е тоа однесување поврзано со менталната благосостојба на човекот, кои фактори го предизвикуваат, зошто е особено значајна појава кај младите и како младите да препознаваат кај себе почетоци на ризично однесување со цел да си помагаат себе си и да го препознаваат кај другите. Овој модул го комплетираа 48 врснички едукатори составени во 5 групи основци, средношколци и студенти кои се запознаа со темата за ризични форми на однесување. Во рамките на обуките се дискутираше што значат и како се манифестираат овие типови на однесувања, колку се присутни и во какви форми во нашето секојдневие во училиштата во градов, како овие состојби влијаат на младиот човек, кои фактори ги предизвикуваат и како може да им помагаме на другите и да делуваме превентивно. Третиот модул на обуки за ментално здравје беше на темата градење на отпорност, издржливост и резилиентност. Се дискутираше што значи резилиентност, како се учи и како оваа способност е најважниот фактор за одржување на психо-физичката рамнотежа. Оваа способност е онаа која ги собира нашите лични сили и ги насочува кон она што е со најголема смисла во дадениот момент со цел да се преброди ситуацијата во која се наоѓаме, да се опстане и да се трансформира искуството во кое што сме се затекнале. Тоа е она што младите може да го учат со цел да си помагаат себе си и да им помагаат на другите. Овој модул го комплетираа 42 врснички едукатори составени во 5 групи основци, средношколци и студенти кои се запознаа со темата за градење отпорност, издржливост и резилиентност. Во рамките на обуките се дискутираше за начините како да станеме отпорни на сеприсутните негативни влијанија во надворешната средина и опкружувањето, како да издржиме или да се справиме со ситуациите во кои сме втурнати или вклучени со или без наша волја и согледување на начини за градење трајна резилиентност и мир со себеси и со другите. Проектот „Врсничка школа за ментално здравје на деца и млади“ на Младинска асоцијација ИМКА Битола се спроведува во рамките на регионалната програма за локална демократија во Западен Балкан 2 Reload2, која е финансирана од Европската Унија (ЕУ), а ја имплементира Програмата за развој на Обединетите Нации (УНДП). Проектот „Врсничка школа за ментално здравје на деца и млади“ на Младинска асоцијација ИМКА Битола е кофинансиран од Општина Битола. Проектот е спроведуван од ИМКА во соработка со Порака Нова и Центар за човекови права Амос.
Инспиративно патување и градење врски на Конференцијата за кампови во САД
Од Виктор Илиев Ќе започнам со мојата длабока благодарност до ИМКА на САД за поканата за приклучување на меѓународна група на Конференцијата за кампување во САД. Овој собир ги надмина вообичаените очекувања, понудувајќи извонредно искуство заедно со моите колеги од Косово, Романија, Шпанија, Украина, Аруба, Порторико, Колумбија и Бразил. Пристапот на ИМКА на САД е за пофалба поради тоа што не само што ја прикажаа нивната уникатна камп култура, туку и понуди глобална размена на најдобри практики. Покрај тоа, овој настан додаде и меѓународна перспектива, поттикнувајќи врски преку Атлантикот за подобрување на сите вклучени во развојот на младите преку образование на отворено и кампување. Моето патување започна со еднодневно доцнење поради откажување на летовите, но пристигнав во Омаха, Небраска и ја поминав ноќта во Камп Китаки. Иако ја пропуштив официјалната турнеја во кампот, остатокот од времето во следниот ден ми остави впечаток за кампот Китаки како трансформативно засолниште на отворено, посветено на развојот на младите и искуствено учење. Директорот на кампот, Џејсон, на неодамнешен настан елоквентно ја долови моќта на кампот во видеово, опфаќајќи ја суштината на образованието на отворено. Нашето патување продолжи до Камп Des Moines Y во Ајова, каде што на влезната порта беше испишана објава дека е: „Најблиското место до рајот на Земјата“. Бевме пречекани од директорот на кампот Алекс кој не однесе на турата низ кампот. Овој камп имаше толку многу работи да презентира и толку многу аспекти од логистиката на кампот што речиси ме остави без зборови. Сведочејќи ја обемната историја на кампот, извонредните проекти на Алекс и огромната поддршка од Камп Алумните зборуваат многу за влијанието на овој камп. На нашата следна станица, Камп Данкан лоциран во државата Илиноис чиј домаќин беше еден од нашите неверојатни домаќини директорот на кампот Боби, се чувствував како одење на позната локација. Причината за тоа се долгите разговори на патувањето од една држава во друга, така што активностите и логистиката на кампот ми беа некако испреплетени со чувство на блискост. Неверојатно е да се види, но тој и неколку вработени во кампот живееја на самиот камп. Со живописно езеро и разновидни активности кои ги нуди на отворено, Камп Данкан е доказ за неверојатните искуства што ги нуди. Незаборавното интермецо од активностите на камповите не доведе до центарот на Чикаго кулминирајќи со посета на седиштето на ИМКА во САД. Средбата со посветениот тим предводен од гостопримливата Адријана го зајакна мојот поглед за посветеноста на организацијата кон нејзините основни вредности. До крајот на нашето патување бевме сведоци како таа и нејзините членови на тимот на оваа неверојатна пред-конференциска турнеја не зборуваат само за основните вредности на ИМКА (почит, одговорност, чесност и грижа), туку ги инкорпорираат во нивните сопствени животи и дејствуваат според нив. За случајна организација е лесно да се наведе каква било мисија и визија, но ние не бевме во случајна организација. ИМКА на САД е организација како ниедна друга. Давање на децата можности за одличен почеток. Помагање на семејствата да имаат здрав живот. Инспирирање на заедниците да работат заедно. Тоа е ИМКА. Нашето патување го достигна својот врв во Мичиген во ИМКА до езерото Шерман, каде што беше конференцијата за кампови како главен настан. Конференцијата која беше домаќин на околу 250 професионалци за развој на млади преку кампови на отворено од цела САД и од целиот свет, покажа уникатен спој на поединци во различни фази од нивните кариери. Искуството, знаењето и страста за образование на отворено ги имаше во изобилие на оваа конференција. Со три исклучителни клучни говорници, различни работни сесии од интерес избрани според нашите лични потреби, тркалезни маси, рефлексии, рекреација и можности за вмрежување, конференцијата остави неизбришлива трага врз мене. Морам да признам дека ме воодушеви дарежливата понуда на работни сесии и се мачев за да одлучам што да приоритизирам. Едно нешто што овде е направено на уникатен начин од она на што сум бил навикнат и видел досега е можноста да си креирам приспособен личен распоред на работни сесии. Вака се цени и вреднува времето на луѓето! Една од основните области на влијание на ИМКА на САД е општествената одговорност. Ова не се само два фенси зборови, туку зборови на кои ИМКА им дава суштина преку демонстрација. Дополнително на секоја камп конференција во САД, секоја година има настан за прибирање средства за одредена избрана кауза која ги добива сите собрани средства. Овогодинешнава камп конференција ги поддржа тековните напори на ИМКА од Мауи за возобнова на заедницата по неодамнешните разорни пожари. Бев изненаден што ја искусив културата на филантропија и општествена одговорност преку „тивка аукција“ и аукција во живо каде што луѓето донираат предмети од нивната ИМКА или земја како што се брендирани материјали, маици, производи или уметнички дела од детски кампови итн. и луѓето наддаваат со најдобри понуди. Филантропија и забава во исто време. И најдобриот дел на крајот – конференцијата беше поддржана од многу корпоративни донатори. Кога луѓето се залагаат и придонесуваат за некоја кауза, вие создавате заедница. Имаме многу да научиме од ова! И колку преубав начин да го завршиме нашето патување со посета на нашиот љубезен домаќин Томас кој заедно со посветениот тим во ИМКА Флинт срдечно ме пречекаа. Ја разгледавме ИМКА и нивните програми и разговаравме за нивните најдобри практики, можностите што ги нудат за тие да бидат вистинска организација во заедницата каде што луѓето чувствуваат дека припаѓаат. Последната станица беше во кампот на ИМКА Копнеконик каде и покрај снежното и студено време ни понуди посебна камп турнеја и попладневна рефлексија за нашите колективни искуства. Нашата група помина растојание од 1180 km, приближно растојание од Битола до Виена. Ги упатувам моите најдобри желби на сите сопатници во спроведувањето на овие вредни сознанија стекнати за време на ова извонредно патување.
