После две години работа на поттик на дигиталната писменост преку HP life курсевите, сега ви нудиме нови курсеви од HP на edX за вовед во креативните дигитални индустрии. 

И секако, како и во минатиот период така и сега потполно бесплатно! 

Ако сте на возраст од 16 до 25 години и сакате да научите повеќе за светот на игрите, како и други од палетата на курсеви на GamingGarage на HP и ако сте подготвени да ја претворите вашата имагинација во интерактивни авантури придружете ни се на ова возбудливо изучување во светот на развојот, управување и програмирање на игрите, е-спортови и сл.

Ова е повеќе од учење. Тоа е простор за градење на вашите вештини, за соработка со врсниците и за истражување на можностите во креативниот технолошки свет. 

Што да очекувате: 

• 4 недели хибридни сесии (онлајн и лично)
• Научете ги основите на механиката на игри, раскажувањето приказни, програмирањето и визуелниот дизајн.
• Работете во тимови или соло за да изградите своја сопствена демо игра за играње
• Пристап до ментори од ИМКА и платформата HP Gaming Garage
• Инвестирајте во себе и стекнете се со сертификат од edX и HP 

Ослободете го вашиот потенцијал. Креирајте. Соработувајте. Натпреварувајте се.

Кој може да се придружи: 

• Млади на возраст од 16-25 години
• Не е потребно претходно искуство, туку само љубопитност, мотивација и љубов кон светот на игрите
• Отворено за поединци и претходно формирани тимови.

Почеток: Април 2025
Локација: Младински Центар Битола 
Времетраење: 4 недели 
Формат: Хибриден (онлајн работилници + локални состаноци)
Апликација: тука

Аплицирајте сега и градете ја вашата иднина!

За прашања, контактирајте не преку контакт формата на веб страна или на нашите профили на социјалните мрежи.

Ги оспособуваме младите за утре со дигитални вештини денес! 
Академија за еСпортови и развој на игри е проект кој е поддржан од HP и ИМКА Европа кој го работиме во соработка со ИМКА Албанија.