Ги завршив сите курсеви во HP Life проектот и сум многу задоволен од искуството. За овие курсеви дознав преку моето средно училиште, "Јосип Броз-Тито" во Битола. Курсевите ми помогнаа да стекнам вредни вештини што можам да ги применам во иднина. Планирам да студирам на универзитет со фокус на технологија и нејзината улога во помагање на човештвото. Курсевите се кратки, лесни, целосно онлајн и бесплатни. Им препорачувам на секого, особено на младите, кои се заинтересирани да ги подобрат своите компјутерски вештини или да започнат бизнис. Моите омилени курсеви беа за комуникација и Success Mindset. Им благодарам на YMCA и HP за обезбедувањето на ефикасен начин за учење корисни вештини.

Филип HP курсеви за дигитално образование

Кога слушнав за оваа обука, веднаш се пријавив, со нетрпение да започнам. Наместо само да се зборува за менталното здравје, оваа обука активно ги вклучуваше младите луѓе, учејќи не за неговата важност и охрабрувајќи нè да го споделуваме со нашите врсници. Таа се фокусираше на рушење на стереотипите, личен раст, самодоверба и здрави односи. Сесиите секогаш беа позитивни, забавни и смирени, а ние често се собиравме во круг за да ги споделиме искуствата каде што се чувствувавме сослушани и прифатени. За време на работилницата, стекнав нови сознанија за себе, ја подобрив мојата ментална состојба, изградив социјални врски и го надминав стравот од јавно говорење.

Андреа Врсничката школа за ментално здравје на деца и млади

Имав можност да држам презентација пред 40 ученици и двајца психолози во моето училиште. Беше огромно искуство за мене, но истовремено и голем предизвик. Беше прекрасно да видам како моите зборови влијаат врз учениците, а и да слушнам позитивни повратни информации од сите нив. Секое ново искуство од ваков тип ми помага да се подобрам и да се чувствувам посигурно во себе сега, но и за во иднина. Верувам дека работата со помлади ученици е исклучително важна, бидејќи тие се во период кога најмногу учат и се формираат како личности. Би сакала да им помогнам да научат како да се справуваат со насилство и да создаваат позитивни односи со луѓето околу нив.

Михаела Врсничка школа против врсничко насилство

Преку работилниците и обуките добив самодоверба и се чувствував подготвен да зборувам пред други ученици. Најинтересно ми беше кога преку игри и дискусии научивме како да препознаеме различни видови насилство и како правилно да реагираме. Се чувствував најмногу возбуден кога требаше да зборувам пред другите ученици, но со текот на времето сфатив дека нема место за срам и страв – важно е да се зборува отворено. Сметам дека ваквите активности се исклучително важни и би сакал повторно да бидам врснички едукатор. Чувството дека можам да направам промена, дури и мала, ми дава сила да продолжам.

Мерт Врсничка школа против врсничко насилство

Научив за себе дека сум алтруистичка личност која има големи аналитички и инженерски способности и преку состаноците добив насока како понатаму да се изградувам како личност. Мислам дека оваа методологија ќе им користи на најмладите во средното образование кои сè уште не се сигурни што понатаму по средното образование, на пример, на кој универзитет да одат кога ќе станат полнолетни. Мислам дека има толку многу млади луѓе несигурни во себе и без идеи за нивниот иден професионален живот и оваа активност би им била од голема корист.

Ангела Кариерно советување Профил Пас

Практиканството ми помогна на неколку начини. Ми даде можност да го применам моето академско знаење во реална средина, овозможувајќи ми да стекнам практично искуство во графичкиот дизајн. Работата на различни проекти ми помогна да ги развијам моите креативни вештини, да го подобрам мојот процес на дизајнирање и да станам посигурна во моите способности. Дополнително, праксата ме научи како ефикасно да работам во тим, да соработувам со другите и да ги исполнувам роковите, што се вредни вештини за мојата идна кариера. Исто така, ми овозможи подобро разбирање на професионалната средина и важноста на комуникацијата и повратните информации за постигнување квалитетни резултати. Генерално, ова искуство значително придонесе за мојот личен и професионален развој.

Леона Практикантка во ИМКА