Повик за персонал на дневни кампови

Вклучи се

Повик за персонал за дневни кампови [волонтерски позиции]

Young Men’s Leadership Project [YMLP camp] & Girls Leading Our World [GLOW camp]

Ви нудат добра можност за учење на образование на отворено.

Нашите дневни кампови нудат можност на 18+ год. ентузијасти едукатори и други ентузијасти кои сакаат да работат неформално образование на отворено со млади [14-17 години].

Камповите ќе понудат достапна програма [некомерцијална] со активности на отворено за личен раст, кариерен развој и социјализација. Тие ќе се случуваат на локации кои се темел на образованието во Битола [дворот на Педагошкиот Факултет во Битола и националниот Парк Пелистер].

Нашиот постоечки тим од младински работници на ИМКА и волонтери од Мировниот корпус за успешно одвивање на активностите има потреба од поддршка од камп персонал [волонтерски позиции]:

Едукатори, кои ќе помагаат во делот на спроведувањето на наставните активности [4 места]
Логистика, кои ќе помагаат за непречено одвивање на сите активности [4 места] и
Комуникација со јавност за поддршка во делот за мултимедиа и социјални мрежи [1 место]
Напомена: доколку имаме повеќе пријавени ќе имаме селекција,

Профил на учесници:

Возраст од 18+ години
Живеат или престојуваат во Битола
Можност за учество во деновите на активностите

Методологија: Индивидуални и групни активности, презентации, дискусии, образование на отворено, дигитално образование, учење преку игри и искуства, можност за активирање и примена на дел од знаењата.

Логистички информации:

YMLP camp [камп за 14-17 год. момчиња]: 19-21 Јуни 2025
GLOW camp [камп за 14-17 год девојчиња]: 26-28 Јуни 2025
Термини: секој ден 09.00-16.30 часот
На нив претходи обука за персонал во првата недела на јуни.
Локации: Педагошки Факултет Битола, Национален Парк Пелистер и Младински Центар Битола
Камповите ќе бидат наменети за 30 учесници од Битола.

Со ова, секој пријавен ќе има уникатна можност да стекне специфични вештини поврзани со организирање на летни кампови и работа со млади на искуствено образование на отворено.

Линк за апликација

Рок за пријава: 22.05.2025

Спроведувањето на активностите е можно благодарение на донациите од граѓаните во рамките на кампањата „денови на донирање“, локални и волонтери од Мировниот Корпус, методологија и капацитети од Signs of Hope, опрема во рамките на проектот “HeadSpace” за подобрено ментално здравје на младите, работен простор благодарение на Педагошкиот Факултет и Младинскиот Центар Битола.