Ние сме непрофитна, граѓанска, нерелигиозна, инклузивна организација која нуди можности за нашата младина и активно работи со нив.  Во Македонија ИМКА почна во 1999, а во Битола во 2002 година и врши активности во главно на локално ниво. ИМКА е дел од Светската ИМКА која е распространета во 119 земји и вклучува повеќе од 58 милиони луѓе.

Нашата мисија е да ги поттикнеме младите луѓе и да работиме на развивање на нивниот вроден потенцијал преку обезбедување на вештини и знаења неопходни за да станат активни лидери во нивните заедници. Ова се реализира преку искуствено образование градeјќи академски и социјални вештини.

Нашата визија е зајакната младина која предводи и инспирира промени, поттикнува инклузивни заедници вкоренети во почит, развој и посветеност на одржлив социјален импакт.

Работиме во поле на неформалното образование за млади обезбедувајќи програми за личен раст и кариерен развој на младите, поддршка на младите во процесите на донесување одлуки, промовирање младински активизам, волонтирање, здрави навики и градење општество кое поттикнува позитивни вредности и однесувања кај младите луѓе. Поточно, нашиот опсег на работа и придонес кон заедницата е во две области:

Младинска работа (кампови, врснички школи, курсеви за дигитално образование и локални и меѓународни обуки во областа на личен и кариерен развој, ментално здравје, мировна едукација, лидерство, младинско учество, волонтирање и зелена агенда) и

Придонес во заедницата (придонес во подобрување на законите, стратегиите и политиките во областа на младите, младинската работа и младинското учество, како и во областа на филантропијата/добротворството, општествената одговорност и волонтирањето).