ИМКА Македонија официјално ги отвора апликациите за својата летна камп-сезона 2026, која вклучува три американски летни кампови создадени да инспирираат, едуцираат и оснажнат млади низ целата земја. Спроведени во партнерство со Мировниот корпус и локални волонтери, овогодинешните кампови нудат моќна комбинација од искуствено образование, развој на лидерство и летна авантура.

Три кампови, една мисија: Развој на идни лидери

Програмата за 2026 година, која ќе се одржува вп Битола и Националниот парк Пелистер е прилагодена на различни групи:

SPARK камп – Strong Prepared Aspiring Responsible Kids (23–25 јуни 2026) воведува нов концепт на дневен камп за ученици кои влегуваат во 6-то до 8-мо одделение. Дизајниран и за момчиња и за девојчиња, SPARK се фокусира на градење основни лидерски вештини преку практични активности, тимска работа и креативно истражување. Родителите можат да аплицираат онлајн за своите деца тука.

GLOW камп – Girls Leading Our World (1–4 јули 2026) е охрабрувачко искуство за средношколки (1-4 година). Програмата се фокусира на градење самодоверба, развој на лидерство и поттикнување значајни врски меѓу младите девојки, подготвени да направат разлика. Средношколките можат да аплицираат онлајн тука.

YMLP камп – Проект за лидерство на млади мажи (8–11 јули 2026) нуди паралелно лидерско искуство за средношколци (1–4 година), нагласувајќи ја одговорноста, тимската работа и личниот развој преку интерактивно учење и авантура на отворено. Студентите можат да аплицираат онлајн тука.

Искуство и вредности на кампот

Камперите ќе ја искусат стожерната програма „Лидери во обука” на YMCA за граѓанска одговорност, животна средина, лидерство и личен развој. Покрај едукативните работилници и тимбилдинг активностите, камперите ќе уживаат во спорт, активности на отворено и креативни изборни курсеви, вклучувајќи активности и адреналински искуства во Националниот парк Пелистер.

Летните лидерски кампови на ИМКА Македонија се засноваат на силни вредности — грижа, искреност, почит, одговорност, храброст, креативност и страст — и се познати по креирањето на безбедна средина каде младите можат да растат, да се предизвикуваат и да градат трајни пријателства.

Секоја програма е внимателно осмислена за да ги поттикне самодовербата, самостојноста и чувството на заедништво, развивајќи трајни вештини кај учениците.

Процес на аплицирање

Заинтересираните ученици можат да аплицираат онлајн за камповите GLOW и YMLP, додека нивните родители можат да аплицираат онлајн за кампот SPARK. Процесот на избор вклучува:

• Онлајн апликација; видете Повици за кампери 
• Интервју на ученикот со член од персоналот на кампот (во живо или онлајн; само за GLOW-YMLP)
• Известување за прифаќање
• Завршување на регистрацијата од страна на родителите/старателите, вклучувајќи ги и задолжителните формулари и плаќањето
• Подготовка за кампот
• Лето на раст и лидерство

Со силна историја во младински програми, ИМКА Македонија продолжува да инвестира во следната генерација лидери преку иновативни и ангажирани летни кампови. Сезоната 2026 ветува дека ќе биде една од највозбудливите досега, нудејќи можности за младите да го откријат својот потенцијал, да развијат лидерски вештини и да создадат незаборавни спомени!